Har du gått på yrkesfag og ønskjer å ta høgare utdanning? Då kan du ta påbygging til generell studiekompetanse. Du kan søkje både før og etter læretida. Utdanninga fører fram til generell studiekompetanse.
Vi tilbyr 3PÅ
Hos oss kan du oppnå generell studiekompetanse ved å fullføre og greie vg3 påbygging til generell studiekompetanse etter at du har
• fullført og greidd vg1 og vg2 frå eit yrkesfagleg utdanningsprogram eller
• fått yrkeskompetanse (med eller utan fag- eller sveinebrev)
Kva kan du bli?
Med greidd påbygging til generell studiekompetanse kan du søkje opptak til alle studium ved høgskular og universitet, både i innland og utland, som krev generell studiekompetanse.
Mange vel utdanning innan same fagfelt som yrkesutdanninga si.
Du kan søkje deg inn på profesjonsutdanningar som til dømes
- sjukepleiar
- lærar
- lege
- politi
- fysioterapeut, med meir
Du kan og byggje opp ei utdanning av ulike universitetsfag, til dømes
- russisk
- filosofi
- kunsthistorie
- sosialøkonomi
- fysikk
- marinbiologi, og liknande
Du kan utdanne deg til yrkesfaglærar innan det fagområdet du har fagbrev i.
